Ловіць татка плотак на Дняпры,
Мамка гулянятам ладзіць клетух…
На глухім стаіўшыся двары,
Я на смак каштую цыгарэту.
Бацька п’е з суседзямі віно,
Варыць мама сьціплую вячэру…
Першы раз дзявоцкія ў кіно
Грудзі да рукі сваёй прымераў.
Цягнуць гусі тату з-пад гары,
А мяне ў жыцьцё зьбірае маці…
Шмат гадоў адсьнежыць, адгарыць –
Госьцем я цяпер у роднай хаце.
У старога пальцы на курках,
Мама азіраецца на дзверы…
Ты мяне, як рыбіну рака,
Выкінь, лёс, на той далёкі бераг –
ловіць татка плотак на Дняпры
варыць мама сціплую вячэру
цягнуць гусі тату з-пад гары
мама азіраецца на дзверы…
2003